Archive

Archive for ಜನವರಿ, 2009

ಜಾತಕ

ಜನವರಿ 31, 2009 2 comments

ನಿನ್ನೆಯ ತನಕ ಅಲ್ಲಿ ಇಲ್ಲಿ ��ವಿಷ್ಯಕಾರ
ತಕಪಕ ಕುಣಿಯುತ್ತಿದ್ದ ಮನೆಯ ನಾಯಿ
ತಟಪಟ ಕೈಕಾಲು ಬಡಿದು ಸತ್ತಾಗಲೇ
ಶುರುವಾಗಿತ್ತು ನನ್ನಮ್ಮನ ಮನದಲ್ಲಿ
ಸಂಶಯದ ಕೀಟ
ಮಾಡಿರಬಹುದೇ ಯಾರಾದರೂ ಮಂತ್ರ ಮಾಟ
ವಾರದಲಿ ಮುದಿ ದನವೊಂದು ಗೊಟಕ್ಕೆನ್ನಬೇಕೇ?
ಅಪ್ಪನಿಗೇರಿತು ಹಳೆಯ ದಮ್ಮಿನ ಹುಮ್ಮು
ಅಮ್ಮನಿಗೆ ಗಾಬರಿಯೋ ಗಾಬರಿ Read more…

Advertisements
Categories: ಕವನ

ಗಣರಾಜ್ಯೋತ್ಸವಕ್ಕೆ ಗ್ರಹಣವೇ

ಜನವರಿ 26, 2009 1 comment

ಮತ್ತೆ ಜನವರಿ 26  ಬಂದಿದೆ. ಗಣರಾಜ್ಯೋತ್ಸವ ಆಚರಿಸಿದ್ದೇವೆ – ತೀರ ಯಾಂತ್ರಿಕವಾಗಿ. ಯಾಂತ್ರಿಕತೆ ವರ್ಷದಿಂದ ವರ್ಷಕ್ಕೆ ಹೆಚ್ಚುತ್ತಿದೆ – ಸಿನಿಕತೆಯೂ ಹೆಚ್ಹುತ್ತಿರುವಂತೆ.

ಬಾಲ್ಯದ ದಿನಗಳು ನೆನಪಾಗುತ್ತಿವೆ ನನಗೆ. ನಾನು ಓದಿದ್ದು  ಮನೆಯ ಹತ್ತಿರದ ಸರಕಾರೀ ಹಳ್ಳಿ ಶಾಲೆಯಲ್ಲಿ. ಗಣರಾಜ್ಯೋತ್ಸವ, ಸ್ವಾಂತತ್ರ್ಯೋತ್ಸವ ದಿನಗಳಲ್ಲಿ ನಮ್ಮ ಮೆರವಣಿಗೆ ಹೊರಡುತ್ತಿತ್ತು. ಮುಂದೆ ನಮ್ಮ ಗುರುಗಳಾದ ಕಾರಂತ ಮಾಸ್ತರರು, ಹಿಂದೆ ದೊಗಳೆ ಚಡ್ಡಿಯನ್ನು ಏರಿಸಿಕೊಂಡ, ಲಂಗದಾವಣಿಯ ಚಿಣ್ಣರ ದಂಡು. ಶಾಲೆಯ ಅಂಗಳದಿಂದ ನೇರ ಹಾರಿದರೆ ಬೀಳುತ್ತದೆ ಆ ಹೆದ್ದಾರಿ. “ಬೋಲೋ ಭಾರತ್ ಮಾತಾಕೀ…” ಮಾಸ್ತರರು ಊರು ನಡುಗುವಂತೆ ಘೋಷಿಸಿದಾಗ  ಅದಕ್ಕೆ ನಾವೆಲ್ಲ ದನಿ ಸೇರಿಸುತ್ತಿದ್ದೆವು. ಓಹ್, ಅದೆಂಥ ಉತ್ಸಾಹ.  ಬಾವುಟ ಹಿಡಿದ ನಮ್ಮ ಮೆರವಣಿಗೆ ಸಾಗುತ್ತಿರುವಂತೆ ಕೆಲವು ಊರ ಹಿರಿಯರು, ಪಡ್ಡೆ ಹುಡುಗರು ಸೇರಿಕೊಳ್ಳುತ್ತಿದ್ದರು.  ಇಡೀ ಜಗತ್ತೇ ನಮ್ಮನ್ನು ನೋಡುತ್ತಿದೆಯೋ ಎಂಬ ಭಾವ ನಮ್ಮದಾಗಿರುತ್ತಿತ್ತು.

Read more…

ರಾಮನ ಲೆಕ್ಕ ಕೃಷ್ಣನ ಲೆಕ್ಕ .. ಕಂಪೆನಿ ಪುಸ್ಕ

ಜನವರಿ 11, 2009 1 comment

ತೀರ ಇತ್ತೀಚೆಗಿನ ತನಕ ನಮ್ಮ ಕಂಪ್ಯೂಟರ್ ತಂತ್ರಜ್ಞಾನದ ಮುಂಚೂಣಿಯಲ್ಲಿದ್ದ ಸತ್ಯಂ ಕಂಪ್ಯೂಟರ್ ಗುಳೇ ಎದ್ದಿದೆ – ಲಕ್ಷಾಂತರ ಹೂಡಿಕೆದಾರರು ತಲೆ ಮೇಲೆ ಕೈ ಹೊತ್ತಿದ್ದಾರೆ.  ಮಾಲಿಕ ರಾಮಲಿಂಗಂ ರಾಜು ಸಲೀಸಾಗಿ ಕೈ ಎತ್ತಿದ್ದಾರೆ!
ಪ್ರಾಮಾಣಿಕತೆಯ ಅಭೂತಪೂರ್ವ ಅಧ:ಪತನಕ್ಕೆ ಸಾಕ್ಷಿಯಾದ ಈ ಘಟನೆ ಕೇವಲ ಶೇರು ಮಾರುಕಟ್ಟೆಯನ್ನಷ್ಟೇ ಅಲ್ಲ – ಎಲ್ಲರನ್ನು ಧೃತಿಗೆಡಿಸಿದೆ. ವರ್ಷಗಳ ಹಿಂದೆ ಶೇರು ಪೇಟೆಯಲ್ಲಿ ಎಲ್ಲ ಸರಿ ಇತ್ತು. ಎಂಥ ಉತ್ಸಾಹ ಆ ಪೇಟೆಯಲ್ಲಿ. ಸತ್ಯಂ ಶೇರು ಕೂಡ ಹಾರಾಡುತ್ತಿತ್ತು ಗಗನದಲ್ಲಿ – ಆರುನೂರರ ಆಸುಪಾಸಿನಲ್ಲಿ.
ಕಾಲೇಜಿನಲ್ಲಿ ನಮ್ಮ ವಿದ್ಯಾರ್ಥಿಗಳಿಗೆ ಸತ್ಯಂ ಕಂಪೆನಿಗೆ ಸಬಂಧಿಸಿದ ಬಿಪಿಒದಲ್ಲಿ ಕೆಲಸ ಸಿಕ್ಕಾಗ ಅವರೊಂದಿಗೆ ಖುಷಿ ಪಟ್ಟೆವು ನಾವು ಕೂಡ. ಬದುಕಿನ ಭಾಗ್ಯದ ಬಾಗಿಲು ತೆರೆದು ಭದ್ರತೆ ಮೊಳೆತ ಭಾವ ಅವರಿಗೆ. ಒಬ್ಬಾಕೆ ಮಾತ್ರ “ಸತ್ಯಂ ಬೇಡ – ನಾನು ಇನ್ನಷ್ಟು ಕಲಿಯುತ್ತೇನೆ” ಎಂದು ಸ್ನಾತಕೋತ್ತರ ವಿಧ್ಯಾಭ್ಯಾಸಕ್ಕೆ ಹೊರಟಳು. ಅವಳಿಗೂ ಗೊತ್ತಿರಲಾರದು ಅಂದು ತನ್ನ ಈ ನಿರ್ಣಯ ಇಷ್ಟೊಂದು ನಿರ್ಣಾಯಕವಾಗುತ್ತದೆಂದು.

Read more…

ಝೀಮಾನ್ ಎಳೆಯ ಪ್ರೊಫೆಸರ್

ಝೀಮಾನ್ ಪೀಟರ್

೧೯೦೨ರಲ್ಲಿ ಭೌತ ವಿಜ್ಞಾನ ವಿಭಾಗದ ನೊಬೆಲ್ ಪ್ರಶಸ್ತಿ ಪಡೆದ ಪೀಟರ್ ಝೀಮಾನ್, ಹಾಲೆಂಡಿನ ದ್ವೀಪ ಸಮೂಹಗಳಲ್ಲಿ ಒಂದಾದ ಝೀಲ್ಯಾಂಡಿನ ಝೊನ್ನೆಮೆಯರ್ ಎಂಬ ಪಟ್ಟಣದಲ್ಲಿ ೧೮೬೫ ಮೇ ೨೫ರಂದು ಜನಿಸಿದರು. ಝೀಮಾನ್ ಅವರದು ಎಂಥ ಪ್ರತಿಭೆ ಎಂದರೆ, ಹನ್ನೆರಡು ವರ್ಷದ ಬಾಲಕ ಝೀಮಾನ್, ಅರೋರಾವನ್ನು (ಧ್ರುವ ಪ್ರಭೆ) ಹಲವು ದಿನಗಳ ಕಾಲ ವೀಕ್ಷಿಸಿ ಬರೆದ ಲೇಖನ ಪ್ರಕಟವಾದದ್ದು Nature ಪತ್ರಿಕೆಯಲ್ಲಿ. ಇದೊಂದು ಪ್ರತಿಷ್ಠಿತ ಸಂಶೋಧನ ಪತ್ರಿಕೆ. ಲೇಖನದೋಂದಿಗೆ ಸಂಪಾದಕರು  ಟಿಪ್ಪಣಿ ಸೇರಿಸಿದರು ‘ಪ್ರೊ.ಝೀಮಾನ್ ತಮ್ಮ ಝೊನ್ನೆಮೆಯರ್ ವೀಕ್ಷಣಾ ಕೇಂದ್ರದಲ್ಲಿ ಅರೋರಾವನ್ನು ಅತ್ಯಂತ ಕಾಳಜಿಯಿಂದ ವೀಕ್ಷಿಸಿ ಬರೆದ ಲೇಖನವಿದು!’

ಭೌತವಿಜ್ಞಾನದಲ್ಲಿ ಉನ್ನತ ಅಧ್ಯಯನಕ್ಕೆಂದು ಲೀಡೆನ್ ವಿಶ್ವವಿದ್ಯಾಲಯವನ್ನು  ಝೀಮಾನ್ ಸೇರಿದ ಸಂದರ್ಭ. ಲೊರೆಂಟ್ಝ್, ಕ್ಯಾಮರ್ಲಿಂಗ್ ಒನ್ನೆಸ್ (೧೯೧೩ರ ನೊಬೆಲ್ ಪ್ರಸಸ್ತಿ ವಿಜೇತ) ವಾಂಡರ್‌ವಾಲ್ಸ್ ಮೊದಲಾದ ಶ್ರೇಷ್ಠ ಭೌತವಿಜ್ಞಾನಿಗಳು ಅಲ್ಲಿ ಪ್ರಾಧ್ಯಾಪಕರಾಗಿದ್ದರು. ಇಂಥ ಶ್ರೇಷ್ಠ ವಿಜ್ಞಾನಿಗಳ ಗರಡಿಯಲ್ಲಿ ಪಳಗಿದ ಝೀಮಾನ್, ಬೆಳಕಿನ ಮೇಲೆ ಕಾಂತಕ್ಷೇತ್ರ ಬೀರಬಹುದಾದ ಪರಿಣಾಮದ ಬಗ್ಗೆ ಸ್ವತಂತ್ರವಾಗಿ ಪ್ರಯೋಗ ಪ್ರಾರಂಭಿಸಿದರು (೧೮೯೫).

Read more…

ಹಾಲೆಂಡಿನ ಸಂಭ್ರಮ – ಸಿಕ್ಕಿದ ನೊಬೆಲ್

1902, ಅಕ್ಟೋಬರ್ ತಿಂಗಳಿನಲ್ಲಿ ದ್ವಿತೀಯ ವರ್ಷದ ನೊಬೆಲ್ ಪ್ರಶಸ್ತಿ ಘೋಷಣೆಯಾಯಿತು. ಜರ್ಮನಿಯ ಹರ್ಮನ್‌ಎಮಿಲಿ ಫಿಶ್ಚರ್ (1852-1919) ಸಕ್ಕರೆ ಮತ್ತು ಪ್ಯೂರಿನ್ ಅಣುಗಳ ರಚನೆಯನ್ನು ವಿವರಿಸುವ ತಮ್ಮ ಸಿಧ್ಧಾಂತಕ್ಕೆ ರಸಾಯನ ವಿಜ್ಞಾನದಲ್ಲಿ, ಗದಗುಟ್ಟಿಸುವ ಚಳಿ ಜ್ವರ ಹೊತ್ತು ತರುವ ಮಲೇರಿಯಾದ  ವೈರಸ್ ಮತ್ತು ಅದರ ವಾಹಕ ಎನಾಫಲಿಸ್ ಸೊಳ್ಳೆಯ ಜೀವನ ಚಕ್ರವನ್ನು ಸಂಶೋಧಿಸಿದ ಬ್ರಿಟಿಷ್ ವೈದ್ಯ ರೊನಾಲ್ಡ್‌ರಾಸ್ (1857-1932) ವೈದ್ಯಕೀಯ ವಿಭಾಗದಲ್ಲಿ, ಐತಿಹಾಸಿಕ ಕಾದಂಬರಿಗಳ ಕರ್ತೃ, ಜರ್ಮನಿಯ ಕ್ರಿಸ್ಟಿಯೆನ್‌ಮೆಥಾಯಿಸ್ ಥಿಯೋಯೋಡರ್‌ಮಾಮ್ಸೆನ್ (1817-1903) ಸಾಹಿತ್ಯ ಪ್ರಕಾರದಲ್ಲಿ ನೊಬೆಲ್ ಪ್ರಶಸ್ತಿಗೆ ಆಯ್ಕೆಯಾದರು. ಸ್ವಿಝರ್ಲೆಂಡಿನ ಎಲಿ ಡ್ಯೂಕೊಮುನ್ (1833-1906) ಮತ್ತು ಚಾರ್ಲ್ಸ್ ಆಲ್ಬರ್ಟ್‌ಗೊಬಾರ್ಟ್ (1843-1914) ಇವರಿಗೆ ನೊಬೆಲ್ ಶಾಂತಿ ಪ್ರಶಸ್ತಿಯ ಘೋಷಣೆಯಾಯಿತು. ಇನ್ನು ಭೌತವಿಜ್ಞಾನದಲ್ಲಿ ಎರಡು ಪ್ರಶಸ್ತಿಗಳನ್ನು ಪಡೆದ ಹಾಲೆಂಡ್ ದೇಶಕ್ಕೆ ಸಂಭ್ರಮವೋ ಸಂಭ್ರ್ರಮ.

ಹಾಲೆಂಡಿನ ಲೀಡೆನ್ ವಿಶ್ವವಿದ್ಯಾಲಯದ ಹೆಂಡ್ರಿಕ್ ಲೊರೆಂಟ್ಝ್ ಆಂಟೂನ್ (1853-1928) ಮತ್ತು ಅರ್ಮಸ್ಟಾಡಮ್ ವಿಶ್ವವಿದ್ಯಾಲಯದ ಪೀಟರ್ ಝೀಮಾನ್ (1865-1943) ಅವರಿಗೆ ಬೆಳಕಿನ ವಿಕಿರಣದ ಮೇಲೆ ಕಾಂತಕ್ಷೇತ್ರದ (magnetic field) ಪರಿಣಾಮದ ವಿವರಣೆಗೆ ನೊಬೆಲ್ ಪ್ರಶಸ್ತಿ ಘೋಷಿಸಲ್ಪಟ್ಟಿತು.
Read more…

ಪುನರ್ಜನ್ಮದಂತರಾಳ

ಜನವರಿ 3, 2009 1 comment

ಮೊನ್ನೆ ಮೊನ್ನೆ ನಮ್ಮೊಬ್ಬ ಸ್ನೇಹಿತರು ಪುನರ್ಜನ್ಮದ ಬಗ್ಗೆ ಮಾತನಾಡುತ್ತಿದ್ದರು. ಅವರಿಗೆ ಈ ಬಗ್ಗೆ ಆಸಕ್ತಿ, ನಂಬಿಕೆ. ಈ ಜನ್ಮದ ಕಷ್ಟ ಕಾರ್ಪಣ್ಯಗಳಿಗೆ ಹಿಂದಿನ ಜನ್ಮದಲ್ಲಿ ಮಾಡಿದ ಪಾಪಗಳು ಕಾರಣ. ಅಲ್ಲಿ ಕಟ್ಟಿದ ಬುತ್ತಿಯ ಊಟ ಇಲ್ಲಗೆ. ನಾವು ಏನಾಗಬಹುದು ಮುಂದಿನ ಜನ್ಮದಲ್ಲಿ? ಎಷ್ಟೊಂದು ಕುತೂಹಲ ಮತ್ತು ರೋಚಕವಾದದ್ದು.

ಆಗ ನನಗೆ ತುಂಬ ಹಿಂದಿನ ಘಟನೆಯೊಂದು ಆಯಾಚಿತವಾಗಿ ನೆನಪಾಯಿತು. ನಾನು ಬಿಎಸ್ಸಿ ಕೊನೆಯ ವರ್ಷದಲ್ಲಿದ್ದೆ. ನಾನು ಮತ್ತು ನನ್ನ ಅಮ್ಮ ಅಮ್ಮನ ಸ್ನೇಹಿತೆ ವೈದ್ಯೆಯೊಬ್ಬರ ಮನೆಗೆ ಹೋಗಿದ್ದೆವು – ಸ್ವಾಮೀಜಿಯವರ ಪ್ರವಚನಕ್ಕೆ. ಅದೇನೂ ಅಂಥ ಮಹಾ ಸಭೆಯಾಗಿರಲಿಲ್ಲ. ಹತ್ತಿಪ್ಪತ್ತು ಮಂದಿ. ಸ್ವಾಮೀಜಿಗಳು ಪುನರ್ಜನ್ಮದ ಬಗ್ಗೆ ಮಾತನಾಡುತ್ತ ಒಂದು ಉದಾಹರಣೆ ನೀಡಿದರು ’ ಮದ್ರಾಸಿನಲ್ಲೊಂದು ಕುಟುಂಬದಲ್ಲಿ ಅತ್ತೆಯಾದವಳು ಸೊಸೆಗೆ ಚಿತ್ರ ಹಿಂಸೆ ನೀಡುತ್ತಿದ್ದಾಳೆ. ಇದಕ್ಕೆ ಆ ಸೊಸೆ ಹಿಂದಿನ ಜನ್ಮದಲ್ಲಿ ವರ್ತಮಾನದ ಅತ್ತೆಗೆ ಕಾಟ ನೀಡಿದ್ದರ ಫಲವನ್ನು ಉಣ್ಣುತ್ತಿದ್ದಾಳೆ” ಹೀಗೆ ಬೇರೆ ಬೇರೆ ದೃಷ್ಟಾಂತಗಳ ಪ್ರವಚನ.

Read more…

%d bloggers like this: